तुर्माखाँद गाउँपालिका द्धारा वडा वडामा सामाजिक सुरक्षा भत्ता वितरण
भुलु,अछाम,तुर्माखाँद गाउँपालिकाले वडा–वडामा सामाजिक सुरक्षा भत्ता वितरण गरेको छ । अपांगता भएका, अशक्त, वृद्ध–वृद्धालाई सेवा दिने उद्देश्यले वडा–वडामा सामाजिक सुरक्षा भत्ता वितरण गरेको हो ।
सामाजिक सुरक्षा तथा पञ्जीकरण शाखाका मन बहादुर बयकका अनुसार चालु आर्थिक वर्ष २०८१/०८२ को दोस्रो र तेस्रो त्रैमासिक सामाजिक सुरक्षा भत्ता अन्तर्गत जेठ ९ र १० गते नविल बैंक र गाउँपालिकाको सहकार्यमा सामाजिक सुरक्षा भत्ता वितरण गरिएको हो ।
तुर्माखाँद गाउँपालिका र नविल बैङ्क तुर्माखाँद शाखा विच आ.व २०८०/०८१ देखी सामाजिक सुरक्षा भत्ता बैंङ्कवाट वितरण गर्ने सम्झौता गरेको थियो । उनका अनुसार २ नं. वडा भुलुमा २०८ जना अपांग,अशक्त, वृद्ध–वृद्धा र वालवालिकालाई करीव २५ लाख सामाजिक सुरक्षा भत्ता वितरण गरिएको जनाएका छन् ।
तुर्माखाँद गाउँपालिका को केन्द्र देखी भौगोलिक रुपमा टाढा रहेको भुलु रहफमा जनातालाई १५०० भत्ता लिनका लागी करीव २५०० देखी ३००० खर्च हुने गरेको थियो । अपांग,अशक्त, वृद्ध–वृद्धा र वालवालिकाहरु बैङ्कमा आउन नसक्ने र आफन्तलाई ल्याएर आउदा भत्ता वाटोमा नै सकिने हुदा त्यहाँका जनताका लागी भत्ता लिनु निकै अप्ठयारो विषय भएको थियो ।
सरकारले तीन दशकअघि देखी आर्थिक वर्ष २०५२/०५३ को बजेट मार्फत ७५ वर्ष पुगेका जेष्ठ नागरिकलाई मासिक १०० रुपैयाँ भत्ता दिने व्यवस्था गरेको थियो । त्यहाँ देखि भत्ता पाउने वर्ग र रकम निरन्तर बढ्दै मासिक १०० बाट बढाएर अहिले मासीक ४,००० रुपैयाँ पुर्याएको छ ।
यसरी तुर्माखाँद गाउँपालिका सामाजिक सुरक्षा तथा पञ्जिकरण इकाईको सहजिकरणमा नविल बैंक तुर्माखाँद शाखाद्धारा करीव ९० प्रतिश जनताले आफ्नो घरदैलोमा नै भत्ता पाएकोमा खुसी ब्यक्त गरेका छन् ।
